ഹൃദയത്തിലെഴുതിയ കവിത

മറ്റുള്ളവരാൽ വായിക്കപ്പെടാതിരിക്കാൻ

അക്ഷരങ്ങളിലേക്ക് ആവാഹിക്കാത്ത

മനോഹരമായ ഒരു കാവ്യമാണ്

നിന്നോടെനിക്കുള്ള പ്രണയം.

ഹൃദയത്തിൽ കുറിച്ചിട്ട 

മനോഹരമായ ഒരു കാവ്യം.

വായിക്കുന്തോറും മനസ്സിനെ

ആർദ്രമാക്കുന്ന ഒരു കാവ്യം..

എന്റെ ഹൃദയത്തിൽ നീയും,

നിന്റെ ഹൃദയത്തിൽ ഞാനും

ജന്മ ജന്മാന്തരങ്ങളായി കുടികൊള്ളാൻ,

നമ്മളൊരുമിച്ചു തീർത്ത

സ്വപ്നങ്ങൾക്കൊക്കെയും

നിറം ചാർത്തുന്നത്

അക്ഷരങ്ങളിലാവാഹിക്കാത്ത

ഈ മനോഹര കാവ്യമാണ്..

ദേഹംകൊണ്ടെത്ര അകലെയാണെങ്കിലും

തളർന്നു പോവുന്ന മനസ്സിനെ

തലോടുന്നതാണീ കാവ്യം...

ശ്വാസം നിലയ്ക്കും വരെ

ഹൃദയത്തിൽ സൂക്ഷിക്കുന്ന

എന്റെ മാത്രമായ

എന്റെ പ്രണയ കാവ്യം...

 

...അനൂപ് ശ്രീലകം...