സ്വപ്ന ലോകം

ഒരു പുഴയുണ്ട്
അതിൽ നമുക്ക് കുളിക്കാം..
പുഴ വക്കിൽ ഒരു മരമുണ്ട്
അതിലെ തണലത്തിരിക്കാം നമുക്ക്..
പുഴയുടെ ചാരെ ഒരു വീടുണ്ട്
അവിടെ നമുക്ക് ഒരു സ്വർഗം തീർക്കാം..
അവിടെ മനുഷ്യരായി നമ്മൾ മാത്രം,
പിന്നെ കൂട്ടിനു
പക്ഷികളും പൂമ്പാറ്റകളും..
തൊടിയിലൊരു വാഴ വെക്കണം
അതിലെ പഴം കഴിക്കാം..
കുടിക്കാൻ പുഴയിലെ വെള്ളം
എടുത്ത് ശുചിയാക്കാം ..
വീടിനു മറുപുറം
ഒരു കാട് ആണ്
നമുക്കായ് വേണ്ടതൊക്കെയും
ആ കാട് തരും.
കാട്ടിലലഞ്ഞു വരുമ്പോ
പുഴവക്കിലൊന്നു വിശ്രമിച്ച്
പുഴയിലൊന്നു കുളിച്ച്
ദിവസത്തിന്റെ ഓരോ നിമിഷവും
ആസ്വദിക്കാം..
നിനക്ക് ഞാനും എനിക്ക് നീയും
കൂട്ടിനു കുറെ സ്വപ്നങ്ങളും..

---അനൂപ് ശ്രീലകം---